Иске Алпар авылында яшәүче кадерле тормыш иптәшем Галиуллина Сәвия Мөхәмәдулла кызының 15 декабрьдә 50 яшьлек алтын юбилее. Кадерлебез! Сине гомер бәйрәмең – юбилеең белән чын күңелдән котлыйбыз. Иң зур теләгебез – сәламәт, таза-сау бул. Гаилә шатлыгын, балаларың, якыннарың, туганнарыңның игелеген күреп, бергә-бергә озак яшәргә язсын. Тормышыбызга ямь өстәп, авырмый, кайгы-хәсрәт күрмичә яшә. Туар таңнарың якты, исәнлегең нык, киләчәк тормышың матур булсын. Син кешелекле, көчле рухлы, юмарт һәм ярдәмчел кеше. Балаларыбызның, оныкларыбызның мәрхәмәтле, иң яраткан әниләре һәм дәү әниләре дә син.
Шатлык-куанычлар, сәламәтлек,
Юлдаш булсын, әни, гомергә.
Йортыбызны җылытучы учак,
Нур сибүче кояш син безгә.
Иң изге теләкләр белән тормыш иптәшең Рәфис, әниебез Дамирә, балаларың Рәмис-Лилия, Илдар, оныкларың Алия-Радик, туганыбыз Рәис.
.....
Базарлы Матакта яшәүче Сәгыйрова Әлфия Нургазиз кызының 18 декабрьдә күркәм юбилее. Кадерле әниебез, тормыш иптәшем! Сине юбилеең белән чын күңелдән котлыйбыз. Сиңа нык сәламәтлек, күңел тынычлыгы, гаилә шатлыгы, балаларыңның күңел җылысын тоеп, игелекләрен күреп, бәхетле озын гомер кичерүеңне телибез. Киләчәгең матур, кояш кебек якты, туачак таңнарың һәрвакыт нурлы, күк йөзең аяз булсын.
Күпме булса җирдә изге теләк,
Без телибез сиңа барысын да.
Ак чәчәкләр кебек бәхет яусын
Туар көннең һәрбер таңында.
Иң изге теләкләр белән кызларың Илсөя, Чулпан, киявең Юсып, оныкларың Адел, Солтан.
....
Хузангай авылында яшәүче кадерле тормыш иптәшем, яраткан әтиебез, сөекле дәү әтиебез Морелев Николай Павловичның 16 декабрьдә, 55 яшьлек юбилее. Кадерлебез! Истәлекле гомер бәйрәмең белән котлап, саулыкның ныгын, гомернең озынын, бәхетнең олысын телибез. Киләчәктә дә тигезлектә, балалар уңышына сөенеп, имин матур тормышта яшәргә Ходай насыйп итсен.
Сине яратып һәм ихтирам белән тормыш иптәшең Алена, балаларың Юрий-Кристина, Дмитрий, Александра, оныкларың Ксения, Юлия.
