Бүген шәһәр һәм район Советларының быел соңгы утырышлары узды. Депутатлар көн тәртибенә куелган мәсьәләләрне тикшереп, тиешле карарлар кабул иттеләр. Шәһәр һәм районның 2015 елга һәм 2016-2017 елларга бюджеты һәр ике утырышта төп мәсьәлә булды.
Шәһәрнең һәм районның алдагы елларга планлаштырылган бюджеты белән финанс-бюджет палатасы рәисе Венера Шакирҗанова таныштырды.
Шәһәр Советы утырышында депутатлар шәһәр җирлегендә хуҗалык малларын биркалау буенча тәкъдимнәрне тыңлап, тиешле карар кабул итте, шәһәр Советы рәисе урынбасары Марсель Хуҗин 2015 елга планнар белән таныштырды.
Район Советы утырышында депутатлар муниципаль район сайтында коррупция каршы эшчәнлек мәсьәләләре буенча бүлекне тулыландыру, материаллар урнаштыру таләпләрен расладылар, “Муниципаль районда Трда коррупциягә каршы көрәш стратегиясен гамәлгә ашыру буенча ведомствоара комиссия төзү турында” 108нче карарга үзгәрешләр кертү турында карарлар кабул иттеләр. Район Советы рәисе урынбасары Роберт Халитов депутатларны киләсе елга эш планы белән таныштырды.
Ике утырышта да район башкарма комитеты җитәкчесе Разиф Кәримов катнашып, киләсе елга планлаштырылган эшләр, аларны башкарып чыгу мөмкинлекләре, алдагы елның сәяси вакыйгалар белән бәйле булуы, быел депутатларның башкарма органнар белән килешеп, уңышлы эшләвен билгеләп узды, моның өчен аларга рәхмәт белдерде.