Кайнар сулы канализация коесына егылып төшеп, бер хатын-кыз үлгән
Җир астыннан чыккан кайнар күлгә егылып төшеп, ханымның тәне 90 % пешә.
Бу хәл Яшел Үзәндә була. Соңрак ул шифаханәдә җан бирә. Аның ике баласы ятим кала.
Баксаң, мондый хәл үз эшенә җитди карамаган 57 яшьлек бер диспетчер аркасында килеп чыга. Аңа парланып торган канализация коесы турында хәбәр салгач, ул аны онытып, дәфтәргә язып куймый, шуңа да авария булган урынга кешеләр дә җибәрелми. Судта ул үзенең гәебен таныган. Диспетчерны 1,5 елга ирегеннән мәхрүм иткәннәр.