Иң яхшылар бүләкләнде
Татарстан Авыл хуҗалыгы һәм азык-төлек министрлыгы 165 иң яхшы ветеринария табибларын, зоотехникларны, агрономнарны, икътисадчыларны һәм бухгалтерларны 100 әр мең сум күләмендә акчалата грантлар белән бүләкләде.
Иң яхшы авыл хуҗалыгы белгечләре дип танылучылар арасында райондашларыбыз да бар. Болар –“Кызыл Шәрык-Агро” икътисадчысы Рәфизә Сафина, “Көнчыгыш Әлки”филиалының баш инженеры Тәлгать Яруллин, “Көньяк Әлки”нең баш хисапчысы Гөлфия Гатауллина, Юхмачы терлекчелек комплесы җитәкчесе Марат Кәримов, “Көнчыгыш Әлки”нең баш агрономы Ленар Галиев, Чуаш Кичүе терлекчелек комплексы ветеринария табибы Алмаз Хатыйпов.Премьер-министр урынбасары, авыл хуҗалыгы һәм азык-төлек министры Марат Әхмәтов әлеге белгечләрне “Татарстан агропромышленность комплексының алтын фонды” дип атады.