Алабуганың Үзәк чыршысын Ленин мәйданында куя башладылар
Үзәк чыршыны урнаштыру эшләре кышның беренче көнендә үк башланды.
Шәһәр җитәкчелеге тарафыннан быел үзәк Яңа ел чыршысын янә Ленин мәйданында урнаштыру карары кабул ителде. Эшчеләр мәңге яшел урман гүзәлен инде кую эшенә керештеләр.
Шишкин буалары территориясендә нәни алабугалылар өчен лабиринтлар һәм таучыклар булачак, шулай ук зур шугалак катырылачак. Төп чаралар Ленин мәйданына күчереләчәк. Шушында ук сәүдә рәтләре сузылачак.
Үзәк чыршыдан тыш, Алабугада тагын ике шәһәр сылукае куелачак: 4 нче мәхәлләдә һәм “Чебурашка” балалар мәйданчыгында.