Дилшодбек Рўзметов ҳам чорак финалга чиқди
???? Каналга қўшилинг! ????
https://t.me/joinchat/AAAAADwt0NGCRoONT4f1_Q
![Дилшодбек Рўзметов ҳам чорак финалга чиқди
<br><br>???? Каналга қўшилинг! ????<br><br>
https://t.me/joinchat/AAAAADwt0NGCRoONT4f1_Q](https://zamin.uz/uploads/posts/2019-09/1568745785_cdg8vcviyk-jes_zjuk1ovzl_ns77duz.jpg)
Россиянинг Екатеринбург шаҳрида ўтказилаётган бокс бўйича жаҳон чемпионатида Ўзбекистон бокс терма жамоасининг яна бир вакили чорак финалга йўлланма олди. -81 килограмм вазн тоифасидаги Дилшодбек Рўзметов нимчорак финалда руминиялик Андреи Арадауга қарши рингга кўтарилиб, 5:0 ҳисобида ғалаба қозонди. Шу тариқа чорак финалга йўл олган ўзбекистонлик боксчилар сони тўрт нафарга етди. Бунгача Ўзбекистон бокс терма жамоасининг -52 кг вазн тоифасидаги вакили Шаҳобиддин Зоиров, -57 кг вазн тоифасидаги Миразиз Мирзахалилов ва -69 килограмм вазн тоифасидаги Бобоусмон Батуров чорак финал йўлланмасини қўлга киритишганди. Терма жамоанинг уч вакили эса турнирдаги иштирокини эрта якунлади. Бироз олдинроқ, -91 кг вазн тоифасидаги Санжар Турсунов ҳиндистонлик Санжит Санжитга ютқазиб, турнирдаги иштирокини якунлади. Унгача -75 кг вазн тоифаси вакили Фанат Қаҳрамонов ва -63 кг вазн тоифасидаги Элнур Абдураимов ҳам турнирни нимчорак финалдан тарк этганди. Энди Ўзбекистон терма жамоасининг +91 кг вазн тоифасидаги вакили Баҳодир Жалолов украиналик Цотне Рогавага қарши чорак финал йўлланмаси учун жанг олиб боради.