Сайлау бюллетенле хазырдыла
Сентябны 9-да, план бла бегитилгенича, сайлау бюллетенлени хазырлаб, сайлау комиссиялагъа джибергендиле.
Россия Федерацияны Федерал Джыйылыууну джетинчи кере сайланныкъ Кърал Думасына депутатланы айырыу эмда КъЧР-де кеслерине башчылыкъ этген джергили органлагъа депутатланы сайлау быйыл сентябрны 18-де ётерикдиле, аны бла байламлы сайлау бюллетенле сайлау комиссиялагъа ашырылгъандыла.
Алайды да, РФ-ны Кърал Думасына депутатланы федерал сайлау округ бла сайлаулагъа джораланыб 308100, «Карачаево-Черкесская Республика – Карачаево-Черкесский одномандатный избирательный округ №16» деген бир мандатлы сайлау округну юсю бла сайлаулагъа джораланыб да 308100 бюллетень хазырланнганды.
КъЧР-де кеслерине башчылыкъ этген органлагъа депутатланы сайлауну юсю бла бюллетенлени санын аланы къурагъан сайлау комиссияла бегитгендиле.
Хазыр болгъан бюллетенлени контроллукъ этген ишчи къауум КъЧР-ни шахарлары бла районларыны территориал сайлау комиссияларына табдыргъанды. Аланы типографиядан сайлау комиссиялагъа элтген заманда КъЧР-ни Ич ишлерини министерствосуну къуллукъчулары да болгъандыла.