Күзкәй авылы китапханәсендә сугыш еллары балалары белән очрашу үтте
«Күзкәй авылы китапханәсендә узган сугыш еллары балалары белән очрашуның темасы шундый иде һәм ул истәлекләргә, сагыш-хатирәләргә бай булды. Хәнифә Вәҗиева, Рәсимә Әминова сугыш беткәннән соң авылның нинди авырлыклар белән тернәкләнүе, әтисе яу кырында ятып калган, гомерендә бер тапкыр да әти дип әйтә алмый үскән Нурия Гыймазиева балалык, үсмер еллары, сугыш һәм аннан соңгы чорда авыл халкы кичергән авырлыклар, Гөлсинә Зыятдинова Брест крепостендә фашистларның беренче һөҗүмнәрен, сугышның беренче көннәрендәге мәхшәрне күргән, үз иңнәрендә кичергән әтисе Хәким Маннаповның истәлекләре, Тәгъзимә Гыйззәтуллина сугыштан инвалид булып кайткан бабасы һәм сугыш ветераны – әтисе турында сөйләде. Кыскасы, очрашу истәлекләргә бай булды. Китапханәче Тәнзилә Шәйхнурова аларны шигъри юллар белән үреп, бай эчтәлекле итеп алып барды», – дип хәбәр итә Зөһрә Гарипова.