Татарстан дулкынында (21.08.2021)
Бүген без сезне 19 нчы гасыр ахыры 20 йөз башы татар музыкасы тарихына багышланган тапшыру тыңларга чакырабыз. Үз тавышларын патефон тәлинкәләренә яздырып калдырган беренче татар җырчылары, музыкантлары кемнәр алар? Бу мирас кайларда һәм ничек саклана? Бүген аңа мөрәҗәгать итүчеләр бармы? Менә шушы үтә дә кызыклы сорауларга җавап табу максатыннан без студиябезгә кунаккка Тарих фәннәре докторы, Татарстан Республикасы Фәннәр академиясе Шиһабетдин Мәрҗани исемендәге Тарих институтының баш фәнни хезмәткәре Лилия Рамил кызы Габдрәфыйкованы чакырдык. Әңгәмәбез әлбәттә шушы елларның рухын чагылдырган музыкаль ядкарьләр белән үрелеп барачак. Алдан ук әйтеп куябыз, аларның күпчелеге гасыр башында, революциягә кадәр 1904-1912 еллар аралыгында эшләнгән. Еллар үтү белән яңгыраш сыйфаты да начарайган. Шул сәбәпле без аларның фрагментларын гына тәкдим итәрбез.
The post Татарстан дулкынында (21.08.2021) first appeared on ГТРК "Татарстан".