Ҳиндистоннинг Ғарбий Бенгалия штати полицияси алдов йўли билан ўз хотинининг буйрагини сотган эркакни ва унинг укасини ҳибсга олди, деб ёзади Hindustan Times. Бу аёл ҳақиқатни билиб қолиб, полицияга хабар берганидан кейин содир бўлди деди шу хабарга таяниб daryo.uz 28 ёшли Рита Саркар икки йилча аввал қорнида оғриқ бошланганидан кейин эри уни Калькуттадаги хусусий касалхонага олиб боргани, у ерда унга «шамоллаган кўричакни олиб ташлаш» операциясини қилишганини айтди. Аммо шундан кейин ҳам оғриқ ўтиб кетмаган, балки янада кучайган. Эри эса бўлиб ўтган операция ҳақида кимгадир айтишни ва шифокорга боришни тақиқлаб қўйган. Охир-оқибат, аёлни ота-онаси томондан қариндошлари уч ой илгари шифохонага олиб борган, шунда Ританинг ўнг буйраги йўқлиги маълум бўлган. «Менинг оилам унга етарлича сеп бермагани учун, эрим буйрагимни сотганини тушундим», — деди аёл. У эри, қайноғаси ва қайнонаси устидан полицияга шикоят қилди. Эркаклар 5 февраль куни қўлга олинди, аммо қайнона қочиб қолди. Сўроқда улар буйракни бир бизнесменга сотганини тан олди. Хабарларга кўра, 12 йиллик турмуши давомида аёлни кам сепи учун эрининг қариндошлари қийратиб ва камситиб келган.
