АҚШ Конгресси вакиллар палатасидаги демократлар етакчиси Ненси Пелоси ҳамкасблари олдида 8 соатдан ошиқ чиқиш қилди ва палатанинг бир асрлик рекордини янгилади. Бу ҳақда «Известия» хабар бермоқда деб ёзади daryo.uz 77 ёшли Пелоси 7 февраль куни соат 10 да минбарни эгаллади. Нутқи давомида ноқонуний муҳожирлар манфаатини ифода этди, уларнинг бадарға қилинишдан ҳимоя этиш илтимос қилинган мактубларини ўқиб эшиттирди, Инжилдан иқтибослар келтирди. У соат 18.10 да демократлар олқиши остида нутқини якунлади. Вакиллар палатасининг тўхтовсиз нутқ бўйича аввалги рекорди конгрессмен Жеймс Кларк томонидан 1909 йилда ўрнатилган бўлиб, унинг чиқиши 5 соат ва 15 дақиқага чўзилганди.
