Кейинги пайтда юртимизда деҳқончиликнинг “тўқсонбости” усули тобора оммалашмоқда. Чунки у деҳқонларга бойиб кетиш имконини бермоқда. Ахир, бу усулни қўллаб, аҳолига айни “илигузилди” пайтида витаминларга бой маҳсулотларни тортиқ қилиш мумкин деб хабар берди xs.uz Ўзбекистон Республикаси Қишлоқ ва сув хўжалиги вазирлигидан олинган маълумотларга қараганда, жорий йил ҳосили учун 2017 йил куз ойларида “тўқсонбости” усулида пиёз, саримсоқпиёз, карам, ошлавлаги, сабзи, кўкатлар, шунингдек, брокколи, рукколи, паре пиёзи экинлари экилди. Ҳисоб-китобларга кўра, ушбу экинлардан 1,6 миллион тонна пиёз, 283 минг тонна саримсоқпиёз, 184 минг тонна кўкпиёз, 400 минг тонна кўкатлар, 592 минг тонна сабзи, 263 минг тонна ошлавлаги ҳосили олиниши кутилмоқда.
