Бизнинг миллий либослар ҳамиша ўзга юртларда ҳам қадр топган. Айниқса ипакчилик ривожланганидан буён турли-ҳил кийим кечакларга бўлган талаб ортиб бормоқда. Шу муносабат билан “O”zbek-Turk Test Markazi” вакиллари билан куни кеча журналистлар ўртасида матбуот анжумани бўлиб ўтди. Сертификатлаштириш тизимини янада такомиллаштириш ва тадбиркорларга қулайлик яратиш мақсадида “Ўзстандарт” агентлиги ва Турк стандартлари институти иштирокида, янги замонавий стандартлар талабларига жавоб берувчи қўшма корхона ташкил этилди. Қўшма корхоналарда: -маҳсулотларни сертификатлаштириш идораси; -сифатни бошқариштизимларини сертификатлаштириш идораси; -маҳсулотларни синаш лабораторияси мавжуд. Синов лабораториялари мажмуаси таркибида ҳалқаро стандарт талабларига мувофиқ қўлланиладиган замонавий жиҳозлар билан таъминланган, қуйидаги лабораториялар: -тўқимачилик ва пойабзал маҳсулотларини синаш лабораторияси; - ўйинчоқ ва идиш- товоқ маҳсулотларни синаш лабораторияси; -электр ҳўжалик ва паст кучланишли апаратларни синаш лабораторияси фаолият юритади. Синов лабораториялари мажмуаси таркибида “Тўқимачилик ва пойабзал маҳсулотларини синаш лабораторияси” ҳалқаро акредитация ташкилоти ТУРКАК томонидан TS EN ISO 17025 “ Синов ва калибрлаш лабораторияларининг компетентлигига қўйилган умумий талаблар” ҳалқаро стандартига мувофиқ акредитация муваффиқиятли ўтиб акредитация гувоҳномасига эга бўлган. Лобар Мирзо
