Рюдигер даъволарни рад этди

Антонио Рюдигер унинг агрессив услуби уни "Реал Мадрид" ва Германиядаги жамоадошлари учун хавфга айлантиради деган танқидларга қарши чиқди. Ҳимоячи Ла Лигада "Хетафе"га қарши баҳсда, "Реал Мадрид"нинг 1:0 ҳисобидаги мағлубияти пайтида унинг тиззаси Диего Риконинг юзига текканидан сўнг кучли танқид остида қолди. Бу ҳақда Goal.com хабар беради.

ФАЗ'га берган интервьюсида Рюдигер ўзини ўз жамоаси учун хавф деб билмаслигини айтди ва ўйин вазиятларини аниқ тушунишини таъкидлади. Шу билан бирга, у баъзида меъёридан ошиб кетганини тан олди ва майдонда янада катта масъулият кўрсатиши кераклигини қабул қилди.

33 ёшли футболчи адолатли танқидни қабул қилишини ва ўтмишдаги айрим ҳаракатлари ортиқча бўлганини билишини айтди. У қўшимча қилишича, ўша лаҳзалар уни янада кўпроқ диққатини жамлашга ундаган, чунки у жамоалари учун таранглик манбаига айланиш ўрнига хотиржамлик, барқарорлик ва ишонч олиб келишни истайди.

Рюдигер яна Германия рақиблар учун яна ниҳоятда ноқулай жамоага айланиши кераклигини айтди. Унинг фикрича, йирик турнирларда ғалаба қозониш учун фақат истеъдоднинг ўзи етарли эмас ва ҳар бир футболчи жамоа учун оғир меҳнат қилишга тайёр бўлиши керак.

Германия бош мураббийи Юлиан Нагельсманн ҳимоячини очиқчасига қўллаб-қувватлади ва "Хетафе"га қарши ҳолатни қаттиқ, аммо футболнинг бир қисми деб таърифлади. У Рюдигернинг шиддати, кучли характери ва ғалабага бўлган иштиёқи Швейцария ва Ганага қарши бўлажак ўйинлар олдидан миллий жамоа учун қимматли фазилатлар эканини айтди.