Шанхай Гран-присида Антонелли биринчи ғалабасини қўлга киритди
Формула-1 2026 йилги мавсумининг иккинчи босқичи Хитойнинг Шанхай халқаро автодромида ўтказилди ва бу учрашув нафақат тезлик, балки интрига ва драмани ҳам ўз ичига олди. “Мерседес”нинг 19 ёшли италиялик истеъдодли пойгачиси Андреа Кими Антонелли фаолиятидаги илк ғалабасини қўлга киритди, бу унинг карьерасидаги энг ёрқин лаҳзалардан бири бўлди. Антонелли 56 айланадан кейин маррага биринчи бўлиб етиб келди ва жамоаси учун ҳам катта ғалаба олиб келди.
Иккинчи поғонада унинг жамоадоши Жорж Расселл борди. Британиялик юлдуз Льюис Хэмилтон “Феррари” сафида учинчи ўринни эгаллади, бу унинг ушбу жамоадаги илк подиум ва ажойиб қайтиши сифатида тарихда қолди. Охирги марта Хэмилтон 2024 йилда “Мерседес” билан Лас-Вегас Гран-присида подиумга кўтарилган эди.
Пойгада 7 нафар пойгачи турнирни тугата олмади. Шу жумладан, Алек Албон, Оскар Пиастри, Габриэль Бортолето ва амалдаги жаҳон чемпиони Ландо Норрис болидлардаги техник муаммолар туфайли пойгада қатнашмади. Шунингдек, Макс Верстаппен, Фернандо Алонсо ва Лэнс Стролл пойга давомида ўз иштирокларини эрта якунлашга мажбур бўлди, бу эса томошабинлар учун кутилмаган воқеа бўлди.
Якуний натижалар эса қуйидагича шаклланди:
-
Андреа Кими Антонелли (“Мерседес”) – 56 айлана
-
Жорж Расселл (“Мерседес”)
-
Льюис Хэмилтон (“Феррари”)
-
Шарль Леклер (“Феррари”)
-
Оливер Берман (“Хаас”)
-
Пьер Гасли (“Альпин”)
-
Лиам Лоусон (“Рейсинг Буллз”)
-
Исак Хаджар (“Ред Булл”)
-
Карлос Сайнс (“Уильямс”)
-
Франко Колапинто (“Альпин”)
-
Нико Хьюлкенберг (“Ауди”)
-
Арвид Линдблад (“Рейсинг Буллз”)
-
Валттери Боттас (“Кадиллак”)
-
Эстебан Окон (“Хаас”)
-
Серхио Перес (“Кадиллак”)
Давом этмаган пойгачилар:
-
Макс Верстаппен – DNF
-
Фернандо Алонсо – DNF
-
Лэнс Стролл – DNF
-
Оскар Пиастри – DNS
-
Ландо Норрис – DNS
-
Габриэль Бортолето – DNS
-
Алекс Албон – DNS
Шанхайдаги бу Гран-придa нафақат Антонеллининг илк ғалабаси, балки техник муаммолар ва кутилмаган натижалар билан ҳам эсда қолади. Формула-1 мухлислари учун бу учрашув хаёлий тезлик, драматизм ва интрига билан ёдда қолади.