Инфантино Престианни Винисиус билан эпизодда қизил олиш кераклигини айтди
FIFA президенти Жанни Инфантино майдондаги баҳслар пайтида оғзини беркитиб гапирадиган футболчиларга кескинроқ чоралар қўллаш тарафдори эканини билдирди. Унинг фикрича, бундай ҳолатларда ҳакамлар қизил карточка кўрсатиши керак. Бу ҳақда euro-football.ru хабар беради.
Яқинда Чемпионлар лигасидаги учрашувда «Бенфика» қанот ҳужумчиси Жанлука Престианни «Реал» футболчиси Винисиус Жуниорга мурожаат қилаётганда оғзини футболкаси билан ёпиб олган. Шундан сўнг бразилиялик футболчи ҳакамга рақиб томондан ирқчилик мазмунидаги ҳақоратлар бўлгани ҳақида шикоят қилгани айтилади.
Инфантинoнинг таъкидлашича, агар футболчи оғзини ёпиб нимадир деса ва кейин уни ирқчиликда айблашса, бу вазиятнинг ўзи қизил карточкага сабаб бўлиши лозим. У буни “оддий мантиқ” деб изоҳлаб, ҳақоратли гап бўлмаса, оғизни беркитишга эҳтиёж йўқлигини қайд этди.
Икки ўйин натижасига кўра «Реал» «Бенфика»ни 3:1 ҳисобида мағлуб этиб, кейинги босқичга йўл олди.