Гвардиола: Беш гол сўрадим, футболчилар қулоқ солмади, деди
«Манчестер Сити» бош мураббийи Хосеп Гвардиола жамоасининг сўнгги ўйинларда ишончсизроқ ғалаба қозонаётгани ҳақидаги саволга киноя билан жавоб берди. Бу ҳақда euro-football.ru хабар беради.
«Шаҳарликлар» турнир жадвалида «Арсенал»ни қувиб боришда давом этмоқда, бироқ охирги икки баҳсда ютуқ осон келмади: «Ньюкасл» 2:1 ҳисобида таслим этилди, «Лидс»га қарши учрашувда эса тақдирни битта гол ҳал қилди.
«Мен йигитлардан “Лидс”га бешта гол уришни сўрагандим, лекин улар мени эшитмади... Агар бу жуда осон деб ўйласангиз, адашасиз. Биз яхши ўйнадик, ҳаммасини назорат қилдик», — дея Гвардиола сўзларини City Xtra келтирди.
Чоршанба куни «Манчестер Сити» АПЛнинг 29-турида ўз майдонида «Ноттингем Форест»ни қабул қилади.