«Галатасарай» ва «Фенербаҳче» футболчилари ставкалар сабаб қамалиши мумкин
Туркиянинг икки йирик клуби — «Галатасарай» ва «Фенербаҳче» вакиллари бўлган футболчиларга ставкаларда иштирок этгани учун қамоқ жазоси таҳдид солмоқда. Бу ҳақда euro-football.ru хабар беради.
Гап «Галатасарай» футболчиси Метехан Балтаджи ҳамда «Фенербаҳче» сардори Мерт Ҳакан Яндаш ҳақида кетмоқда. Маҳаллий ОАВлар хабарига кўра, Балтаджига 13 йилгача, Яндашга эса 17 йилгача озодликдан маҳрум этилиш хавфи бор.
Sabah нашри маълумотига кўра, Балтаджи камида икки марта «Галатасарай» ўйинларига ставка қўйган. У айрим учрашувларда асосий таркибда бўлмаган, бироқ қайдномадан жой олган — бу эса назарий жиҳатдан ўйин натижасига таъсир кўрсатиш имконини ҳам юзага келтиради.
Амалдаги Туркия қонунчилигига кўра, футболчи букмеккерликда рўйхатдан ўтаётганда ўзининг профессионал спортчи эканини кўрсатиши шарт бўлган, аммо у буни бажармагани айтилаётгани.