Инфантино Престианини Винисиус билан эпизодда четлатиш керак деди
FIFA президенти Жанни Инфантино учрашув пайтида рақиби билан тортишувда оғзини беркитиб гапирадиган футболчиларга қатъий чоралар кўриш кераклигини айтди. Унинг фикрича, бундай ҳолатлар қизил карточка билан жазоланиши лозим. Бу ҳақда euro-football.ru хабар беради.
Яқинда Чемпионлар лигасидаги баҳсда "Бенфика" вингери Жанлука Престиани "Реал" ҳужумчиси Винисиус Жуниорга мурожаат қилаётганда оғзини футболкаси билан ёпиб олган. Бразилиялик футболчи эса ҳакамга нисбатан ирқчилик руҳидаги ҳақоратлар янграганидан шикоят қилган.
Инфантинонинг таъкидлашича, агар футболчи оғзини ёпиб нимадир деса ва кейин у ирқчилик ҳақоратида айбланса, бундай вазиятнинг ўзи қизил карточкага сабаб бўлиши керак. У буни тахминий ҳақоратдан кўра оддий мантиқ билан изоҳлади: агар ҳақоратли сўз бўлмаса, нега оғизни беркитиш зарур.
Икки учрашув натижасига кўра "Реал" "Бенфика"ни 3:1 ҳисобида ортда қолдириб, кейинги босқичга йўл олди.