Севилья дербида Бетисдан икки гол орттини қайтарди
Испания чемпионатининг 26-турида Севилья дербиси томошабинларга бой воқеаларга тўла ўйин тақдим этди. Бу ҳақда euro-football.ru хабар беради.
Учрашувнинг 16-дақиқасида Бетис ҳисобни очди: Хуан Эрнандеснинг зарбасидан сўнг тўп ҳимоячига тегиб қайтди, Антони эса қайтган тўпни дарвозага жойлади. Биринчи бўлим охирларида Абде Эз вазият яратиб берди ва Алваро Фидалго аниқ зарба билан фарқни иккитага етказди — 2:0.
62-дақиқада Севилья ўйинга қайтди: Осодан узатма, Алексис Санчеснинг боши билан йўллаган зарбаси — 2:1. Кейин Акор Адамс хавфли зарба берди, бироқ дарвозабон жамоасини қутқариб қолди.
Ўйин тақдирини 85-дақиқадаги ҳужум ҳал қилди: Джибрил Соу пасидан кейин Исаак Ромеро Бернал гол уриб, Севильяга дурангни олиб берди — 2:2. Орадан кўп ўтмай Абде Эз жамоасига ғалаба келтириши мумкин эди, аммо унинг зарбаси устунга тегди.
Дурангдан сўнг Бетис турнир жадвалида 5-ўринда бормоқда, Севилья эса 11-поғонани бўлишиб турибди.