Нобоа «Рубин»нинг «Барселона»ни енггани учун берилган бонусни айтди
2009 йил октябрида Қозоннинг «Рубин» жамоаси Чемпионлар лигасида кутилмаган натижа қайд этиб, «Камп Ноу»да «Барселона»ни 2:1 ҳисобида мағлуб этганди. Ўша учрашувда ўйнаган собиқ ярим ҳимоячи Кристиан Нобоа кейинроқ ғалаба учун берилган мукофот пулларини эслаб ўтди. Бу ҳақда euro-football.ru хабар беради.
Нобоанинг сўзларига кўра, бу унинг фаолиятидаги энг йирик премиялар бўлган: ҳар бир футболчига 80 минг доллардан тўлаб беришган. У бу маблағни сарфлаб юбормаганини, аксинча, жамғариб қўйганини таъкидлади.
Эслатиб ўтамиз, 2009/2010 йилги мавсум Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқори поғоналарда якунлаган, Киевнинг «Динамо»си эса сўнгги ўринда қолган.