Неймар голини Винисиус учун рақс билан нишонлади
«Сантос» ҳужумчиси Неймар Бразилия чемпионатида урган голини Винисиус Жуниор услубидаги байрам билан нишонлади. Бу ҳақда euro-football.ru хабар беради.
34 ёшли футболчи «Васко да Гама»га қарши учрашувда дубл қайд этди, натижада «Сантос» 2:1 ҳисобида ғалаба қозонди. Ўйин тугаганидан сўнг Неймар нега айнан шу рақсни такрорлаганини изоҳлади.
«Бу — Вини учун. У Португалияда «Бенфика» дарвозасига гол ургач, мен унга: «Агар «Бернабеу»да ҳам гол урсанг, ўша рақсни қил, мен эса ўзим гол урганимда такрорлайман», дегандим», — дея Неймaрнинг сўзларини Madrid Xtra келтирди.
Эслатиб ўтамиз, Винисиуснинг ўша рақсi аввалроқ баҳс-мунозарага сабаб бўлганди: «Бенфика» томони буни провокация сифатида қабул қилган, лиссабонликлар мураббийи Жозе Моуриньо эса «қаймоқранглилар» юлдузининг ҳаракатидан очиқ норозилигини билдирган.