Слуцкий бошқарувидаги Shanghai Shenhua Buriramга ютқазди
Осиё Чемпионлар лигаси гуруҳ босқичида “Shanghai Shenhua” етти турдан сўнг плей-оффга чиқиш имкониятини бой берди. 8-турда “Buriram United”га қарши баҳс Леонид Слуцкий жамоаси учун турнир билан хайрлашиш олдидан сўнгги уриниш эди, бироқ “эшикни қарсиллатиб ёпиш”нинг уддасидан чиқа олмади. Бу ҳақда euro-football.ru хабар беради.
Учрашув 2:0 ҳисобида тайлар фойдасига якунланди. “Buriram United” биринчи бўлимнинг бошидаёқ кетма-кет икки бор рақиб дарвозасини ишғол қилди: 11-дақиқада Гуд Кертис, 22-дақиқада эса Супханат Муеанта гол муаллифига айланди.
Тез орада “Shanghai Shenhua” бир футболчига камайиб қолди ва бу ҳолат ўйин атрофидаги интриганинг деярли барҳам топишига олиб келди.
Маълумот учун, Леонид Слуцкийнинг “Shanghai Shenhua” билан амалдаги шартномаси 2027 йил охиригача мўлжалланган.