Педри ва Ферран Торрес «Реал» таркибидан кимни танлади
«Барселона» ярим ҳимоячиси Педри ва ҳужумчи Ферран Торрес машҳур El Hormiguero кўрсатувида меҳмон бўлди. Суҳбат чоғида улардан: агар имконият бўлса, «Реал»дан қайси битта футболчини «Барселона»га олиб келардингиз, деган саволга жавоб сўралди. Бу ҳақда euro-football.ru хабар беради.
Педри танловини аниқ айтди: «Менимча, Килиан Мбаппе».
Торрес ҳам шеригига қўшилди: «Ҳа, Мбаппе».
«Реал»нинг француз ҳужумчиси жорий мавсумда юқори натижадорлик кўрсатмоқда: у 33 учрашувда 38 та гол уриб, 6 та голли узатма муаллифи бўлган.
Ҳозирда Испания Ла Лигаси жадвалида «Барселона» пешқадам. Иккинчи ўриндаги «Реал» эса бир очко ортда бормоқда.