Мареллича: Милан мағлубиятидаги гол бекор қилиниши керак эди
Италия А Серияси собиқ ҳаками Лука Марелли Парма билан учрашувда Милан дарвозасига урилган баҳсли гол юзасидан фикр билдирди. 26-тур баҳси 0:1 ҳисобида якунланди, ягона гол эса футбол жамоатчилигида катта мунозараларга сабаб бўлди. Бу ҳақда euro-football.ru хабар беради.
DAZN’да ҳакамлик бўйича етакчи таҳлилчи сифатида ишлайдиган Марелли эпизодни икки асосий ҳолат орқали баҳолади: Троило ва Бартесаги ўртасидаги тўқнашув ҳамда гол олдидан Валентининг дарвозабон Майк Менян ҳаракатига халақит бериши. Унинг айтишича, Троило — Бартесаги вазиятида қоида бузилиши аниқ кўринмаган, бироқ Валенти Менянга йўлни тўсиб, унинг ҳаракатланишига атайлаб ҳалал берган.
“Қоидалар нуқтаи назаридан бу гол ҳисобланмаслиги керак эди”, — дея Мареллининнг сўзларини келтиради TuttoMercatoWeb.
Натижадан сўнг Парма турнир жадвалида 12-ўринда бормоқда, Милан эса 2-поғонани эгаллаб турибди ва етакчи Интердан 10 очко ортда қолган.