Лапорта Месси кетишига нима сабаб бўлганини айтди
Лионел Месси 2021 йил ёзида "Барселона"ни тарк этганди. Клуб молиявий муаммолар фонида аргентиналик юлдузга янги шартнома таклиф қила олмаган. Мавзуга собиқ президент Жоан Лапорта изоҳ берди. Бу ҳақда euro-football.ru хабар беради.
Лапортанинг сўзларига кўра, клуб Мессининг контрактни рўйхатдан ўтказиш учун CVC билан келишувга боришни истамаган. "Биз буни клуб учун зарарли деб ҳисобладик. 'Барселона' ҳар қандай футболчи, раҳбар ёки президентдан устун. Бунга кўна олмадик", — деди у Catalunya Radio эфирида.
Лапорта ушбу ҳолат президентлик давридаги энг оғриқли воқеа бўлганини таъкидлади. У, шунингдек, Куман, Хави, Пике ва бошқаларнинг кетиши ҳам кўнгилни хира қилганини қўшимча қилди. Унинг айтишича, Мессининг шартномасини узайтириш варианти ҳам молиявий жиҳатдан клуб учун кўтариб бўлмас даражада қимматга тушарди.
Эслатиб ўтамиз, яқинда Жоан Лапорта навбатдаги сайловларда қатнашиш учун истеъфога чиққан.