«Санкт-Паули» аутсайдерлар баҳсида «Вердер»ни мағлуб этди
Бундеслиганинг 23-турида «Санкт-Паули» ва «Вердер» ўртасидаги қуйи поғонадаги жамоалар тўқнашуви унчалик бой воқеаларга эга бўлмади. Учрашувда хавфли вазиятлар кам бўлди, бироқ мезбонлар яратган имкониятларидан максимал фойда кўрди. Бу ҳақда euro-football.ru хабар беради.
Биринчи бўлим суст ўтди, танаффусдан кейин эса эпизодлар кўпайди: Самюэл Мбангула жарима майдончаси ичидан зарба берди, дарвозабон эса ажойиб сейв билан жавоб қайтарди. 56-дақиқада Данел Синанининг узатмасидан сўнг Хауке Вал боши билан ҳисобни очди. Тез орада Йован Милошевич қайтган тўпни дарвозага жойлаб, мувозанатни тиклади. 71-дақиқада Манолис Салиакаснинг голли пасидан кейин Жоэл Чима Фудзита аниқ зарба билан «Санкт-Паули»га ғалаба келтирди — 2:1.
Ушбу натижадан сўнг «Санкт-Паули» уч очкони қўлга киритиб, «Вердер»ни қуйи учлик — тушиб кетиш зонаси томон сиқиб чиқарди. Мезбонлар эса турнир жадвалида пастдан учинчи ўринда бормоқда.