Алексей Березуцкий 30 ёшдан кейин терма жамоага бормасди
Москва ЦСКАси собиқ футболчиси Алексей Березуцкий Россия терма жамоасининг Гватемала ва Мали билан ўртоқлик учрашувларига чақирилса, фаол футболчи сифатида борармиди, деган саволга муносабат билдирди. Бу ҳақда euro-football.ru хабар беради.
Унинг айтишича, бундай қарор аввало ёшга боғлиқ. Березуцкий 30 ёшдан ошган футболчи бўлганида, айнан шу баҳсларга терма жамоа билан боришни истамаслигини таъкидлади. Бу ҳақда у «RB Sport»га берган интервьюсида айтган.
Алексей Березуцкий профессионал фаолиятини 2018 йилда якунлаган. У Россия терма жамоаси сафида 58 та ўйин ўтказиб, 2 та голли узатмага муаллифлик қилган.
Маълумотларга кўра, март ойида Валерий Карпин бошчилигидаги Россия терма жамоаси икки назорат учрашувини ўтказишни режалаштирмоқда. Рақиблардан бири Мали терма жамоаси бўлиши кутилмоқда.