Луис Энрике ПСЖ учун «Челси»ни афзал рақиб деб билди
ПСЖ бош мураббийи Луис Энрике Чемпионлар лигаси 1/8 финалида жамоасига қайси рақиб маъқулроқ бўлиши ҳақида фикр билдирди. Бу ҳақда euro-football.ru хабар беради.
Париж клуби плей-оффнинг стик босқичида «Монако»дан ўтса, кейинги даврада «Барселона» ёки «Челси» билан тўқнаш келади. Дастлабки учрашувда ПСЖ сафарда моноколикларни 3:2 ҳисобида мағлуб этди.
Энрике фикрича, ПСЖ учун қулайроқ вариант — «Челси». Мураббий «Барселона»нинг ўйинини алоҳида таъкидлаб, каталонияликлар тўпни назорат қилишни яхши кўриши, юқоридан прессинг қилиши ва таркибида бир лаҳзада ўйин тақдирини ҳал қила оладиган футболчилар кўплигини қайд этди.
“Агар танлаш имконим бўлса, «Челси»ни айтардим. «Барселона»га қарши ўйнаганда сен фақат жамоага эмас, бутун бир ғояга ҳам қарши турасан — бу эса вазифани янада мураккаблаштиради”, — дея Энрикенинг сўзларини испан ОАВ келтирди.
Чемпионлар лигаси 1/8 финал учрашувлари март ойида ўтказилади.