Вармиюз «Ланс» чемпионлик учун кураша олишига ишонади
«Ланс»нинг афсонавий дарвозабони Гийом Вармиюз жамоанинг жорий мавсумдаги ўйинларини катта қизиқиш билан кузатмоқда. Унинг фикрича, парижлик «ПСЖ»нинг француз чемпионатидаги узоқ йиллик устунлигига қарши жиддий чақириқ ташлаётган «Ланс» яна бир бор тарихий муваффақиятга эриша олади. Бу ҳақда euro-football.ru хабар беради.
Вармиюз «Ланс» билан 1998 йилда чемпион бўлганини эслатиб, ҳозирги таркиб ҳам катта натижага қодирлигини таъкидлади. «Менимча, клуб раҳбарияти асосан Чемпионлар лигаси зонасини кўзлайди. Аммо бугун «Ланс» чемпионлик учун ҳам реал даъвогар. Агар жамоа апрелгача позициясини ушлаб турса, бу жуда кучли ариза бўлади. Лансда ҳамма ишонади — жамоа титул учун жанг қиляпти», — дея Вармиюз сўзларини derbyderbyderby.it келтиради.
Бироқ шанба куни «Ланс» собиқ посбонини ранжитиб қўйди: «Монако»га қарши баҳсда 2:0 ҳисобида олдинга чиққан жамоа иккинчи бўлимда уч бор гол ўтказиб юборди ва якунда мағлуб бўлди.