Биляллетдинов Роналду ҳали ҳам энг юқори савияда
Тажрибали мураббий Ринат Биляллетдинов Саудия Арабистонининг «Ал-Наср» клубида тўп сураётган ҳужумчи Криштиану Роналду ўйинлари ҳақида фикр билдирди. Бу ҳақда euro-football.ru хабар беради.
Мутахассис Роналду феноменга тенг футболчи эканини таъкидлади: унинг натижаларини такрорлаш деярли имконсиз. Биляллетдиновга кўра, бешинчи ўн йилликни қарши олаётган футболчининг ҳануз энг юқори даражада ўйнашга интилиши алоҳида эътирофга лойиқ.
Жорий мавсумда 41 ёшли португалиялик барча турнирларда 23 та учрашувда майдонга тушиб, 19 та гол урди ва 3 та ассист қайд этди.
«Ал-Наср» миллий чемпионатнинг 21-туридан сўнг 52 очко билан турнир жадвалида учинчи ўринда бормоқда.