«Реал» Хёйсеннинг жароҳати ҳақида расмий маълумот берди
Мадриднинг «Реал» клуби марказий ҳимоячи Дин Хёйсен яқин вақт ичида жамоага ёрдам бера олмаслигини маълум қилди. Бу ҳақда «қаймоқранглилар» матбуот хизмати хабар тарқатди. Бу ҳақда euro-football.ru хабар беради.
Испаниялик футболчи болдир мушагидан жароҳат олган. Клуб баёнотида тикланиш муддати бўйича аниқ маълумот келтирилмаган.
Marca нашрига кўра, «қироллик клуби» Хёйсеннинг тез орада сафга қайтишидан умидвор: ҳимоячи Чемпионлар лигасида «Бенфика»га қарши ўйинга тайёр бўлиши кутилмоқда. Бироқ яқин учрашувда — «Осасуна»га қарши баҳсда у майдонга туша олмайди.
Жорий мавсумда 20 ёшли ҳимоячи барча мусобақаларда 27 та ўйин ўтказиб, 1 та гол ва 2 та голли узатма муаллифи бўлди.