Сычёв Марселдаги машҳурлик сабаб яшаш жойини ўзгартирган
Аввал машҳур бўлган футболчи Дмитрий Сычёв 2003-2004 йилларда французнинг «Марсел» клубида тўп сурган даврларини эслади. Унинг айтишича, ўша пайтда шаҳарда футболчиларга бўлган эътибор шу қадар кучли эдики, оддий ҳаёт кечириш ҳам мушкул бўлган. Бу ҳақда euro-football.ru хабар беради.
«Марселда футболга қизиқиш жуда катта: дўконга чиқишнинг ўзи ҳам қийин. Озиқ-овқат олиш учун кирасан, охир-оқибат 20-30 дақиқа суратга тушасан, кейин маҳсулот танлайсан. Ҳақиқий шов-шув!» — дея Сычёвнинг сўзларини «Спорт-Экспресс» нашри келтиради.
Сычёвнинг таъкидлашича, айнан шундай вазиятлар сабаб у шаҳардан ташқарига кўчиб ўтишга мажбур бўлган.
Дмитрий Сычёв «Марсел» сафида барча мусобақаларда жами 44 та расмий учрашувда майдонга тушиб, 7 та гол урган ва 1 та голли узатма муаллифи бўлган.