Францияда Головин учун дисквалификация муддати белгиланди
Францияда «Монако» яримҳимоячиси Александр Головиннинг Лига 1 22-турида «Нант»га қарши ўйиндаги (3:1) қизил карточка олган эпизоди интизомий тартибда кўриб чиқилди. Бу ҳақда euro-football.ru хабар беради.
Интизомий қўмита йиғилишида футболчининг жазоси оғирлаштирилмаслиги ҳақида қарор қабул қилинди. Натижада Головин битта учрашувга дисквалификация қилинади.
Эслатиб ўтамиз, россиялик яримҳимоячи Европа Чемпионлар лигаси плей-офф босқичининг илк ўйинида ҳам «ПСЖ»га қарши баҳсда (2:3) майдондан четлатилганди.
Жорий мавсумда 29 ёшли футболчи Франция чемпионатида 16 та ўйинда қатнашиб, 2 та гол ва 4 та голли узатма муаллифи бўлиб турибди.