Арбелоа Арда Гюлерни жамоа учун ноёб футболчи деб атади
Мадриднинг “Реал” жамоаси бош мураббийи Алваро Арбелоа ярим ҳимоячи Арда Гюлернинг ўйини ва жамоага қўшаётган ҳиссаси ҳақида фикр билдирди. Бу ҳақда euro-football.ru хабар беради.
Сешанба куни 20 ёшли туркиялик футболчи Чемпионлар лигасида “Бенфика”га қарши баҳсда “қироллик клуби”га 1:0 ҳисобидаги ғалабани қўлга киритишда ёрдам берди. Гюлер учрашувда 86 дақиқа майдонда ҳаракат қилди.
Арбелоа таъкидлашича, Арданинг фазилатлари жамоага катта фойда келтирмоқда: у ярим ҳимоя билан ҳужум чизиғини боғлаб беради. Мураббий Гюлерни ўзига хос, бошқаларга ўхшамайдиган футболчи деб атаб, унинг ўзига ишончини янада мустаҳкамлаш устида ишлаш зарурлигини қайд этди. “Бундай ўйинлар унга ўсиш учун туртки бўлади. Мен Гюлердан фахрланаман”, — дея Арбелоа сўзларини Madrid Universal келтирди.
Жорий мавсумда Арда Гюлер “Реал” сафида барча мусобақаларда 37 та ўйинда майдонга тушиб, 3 та гол урди ва 12 та голли узатма амалга оширди.