Дел Пьеро Бастонининг узрига муносабат билдирди ва баҳолади
Туриннинг «Ювентус» клуби собиқ футболчиси Алессандро дел Пьеро Миланнинг «Интер» жамоаси ҳимоячиси Алессандро Бастонининг узр сўрашига фикр билдирди. Бастони жамоалар ўртасидаги сўнгги учрашувда «кекса синьора» футболчиси Пьер Калулю майдондон четлатилган пайтда бuni кескин тарзда нишонлаб юборгани учун танқидга учраган эди. Бу ҳақда euro-football.ru хабар беради.
Дел Пьеронинг айтишича, Бастонининг бу қарори ижобий қадам. У вазиятни қайта кўриб чиқиб, ўз хатосини тан олгани ҳурматга лойиқ экани, ҳеч ким мукаммал бўлолмаслиги ва айнан хатолар орқали янада яхшиланиб бориш мумкинлигини таъкидлади.
Эслатиб ўтамиз, «Интер» — «Ювентус» баҳси ўтган дам олиш кунлари бўлиб ўтди. Сафaрда ўйнаган «Ювентус» 2:3 ҳисобида мағлуб бўлди.