Икарди хет-трик қайд этди ва «Галатасарай» рекордини янгилади
Туркия чемпионатининг 22-турида «Галатасарай» «Эйупспор»ни 5:1 ҳисобида йирик мағлубиятга учратди. Учрашувда аргентиналик ҳужумчи Мауро Икарди учта гол уриб, жамоасининг ғалабасига катта ҳисса қўшди. Бу ҳақда euro-football.ru хабар беради.
Бу хет-трик Икардига «Галатасарай» тарихида энг кўп гол урган легионер сифатида янги рекордни ўрнатиш имконини берди. У руминиялик Георге Ҳажи натижасидан ўзиб кетди: Ҳажи турк клубида 75 бор рақиб дарвозасини ишғол қилган бўлса, Икардининг ҳисобида энди 76 та гол бор.
Клуб тўпурарлари умумий рўйхатида Икарди ҳозирча еттинчи поғонада бормоқда. Эслатиб ўтамиз, Мауро Икарди 2023 йилдан буён «Галатасарай» сафида ўйнамоқда, ундан аввал французнинг «ПСЖ» клубида тўп сурган.