Англияда «Челси» футболчиларининг хатти-ҳаракати кескин танқид қилинди
Ўтган дам олиш кунлари Лондоннинг «Челси» жамоаси Англия Кубогида «Халл Сити»га қарши майдонга тушди. Учрашув олдидан футболчилар стадионга чиқишда «Халл» академияси тарбияланувчилари саф тортган коридордан ўтишди. Бу ҳақда euro-football.ru хабар беради.
Бироқ кўпчилик кутганидек, «Челси» футболчилари болаларга ҳеч бўлмаса қисқа эътибор ҳам кўрсатмади. Видео лавҳаларда лондонликлар ёш футболчиларни бутунлай писанд қилмай, ёнидан бепарво ўтиб кетгани аниқ кўринади.
Воқеа Англияда катта муҳокамага сабаб бўлди. Жамоатчилик ва мухлислар клублар раҳбарияти вазият учун узр сўраши кераклигини таъкидламоқда, айрим «Челси» ишқибозлари эса футболчилар бундай муносабатдан уялиши лозимлигини айтмоқда.