Жезуш Роналдуга дам берди ва у майдонга тушмайди
"Ал-Наср" бош мураббийи Жорже Жезуш Криштиану Роналду нега навбатдаги ўйинда қатнашмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида "Аркадаг"га қарши майдонга тушади. Португалиялик юлдуз ҳужумчи тез орада сафга қайтиши кутилганди, бироқ ушбу учрашувда ҳам у жамоага ёрдам бера олмайди.
Жезушнинг айтишича, тиққиз тақвим сабаб Роналду ва асосий таркибдаги яна бир нечта футболчига дам бериш ҳақида қарор қабул қилинган. Мураббий бунинг ортида шанба куни "Ал-Фатеҳ"га қарши бўладиган муҳим баҳс турганини таъкидлади.
Al Nassr Zone келтирган иқтибосга кўра, Жезуш Роналдуга дам берилиши янгилик эмаслигини ҳам қўшимча қилган: у Саудия Арабистонидан ташқарида ўтадиган айрим учрашувларни аввал ҳам ўтказиб юборган.
Саудия чемпионатининг "Ал-Фатеҳ" – "Ал-Наср" учрашуви шанба, 14-февраль куни бўлиб ўтади.