Мартинович «Арсенал» ўйинчиси билан кулгили суҳбатни эслади
«Қайрат» ҳимоячиси Александр Мартинович Чемпионлар лигасидаги сўнгги баҳсдан кейин «Арсенал» футболчиси Кайо Ҳавертс билан бўлган қизиқарли мулоқотини ҳикоя қилди. Унинг айтишича, лондолик футболчига Мартиновичнинг чеҳраси таниш туюлган. Бу ҳақда euro-football.ru хабар беради.
«У мендан: “Негадир юзинг жуда таниш” деди. Мен эса аввалроқ “Байер”ни бироз қийнаганимиз, уларни ўтганимизни эслатдим. Кейин у “Челси”да ўйнаган пайтида ҳам биз уларга қарши майдонга тушганмиз, шунинг учун бир неча марта учрашган бўлишимиз мумкин”, — деди Мартинович.
Мартинович ўз коллекциясида Ҳавертснинг ўйин футболкаси ҳам борлигини қўшимча қилди. Шунингдек, Александр аввалроқ Россияда «Краснодар», «Урал» ва «Рубин» сафида ҳам тўп сурган.
Эслатиб ўтамиз, «Арсенал» ва «Қайрат» январ охирида Чемпионлар лигасининг умумий босқич сўнгги турида тўқнаш келганди. Лондонда ўтган учрашувда мезбонлар 3:2 ҳисобида ғалаба қозонган.