АПЛнинг иккинчи тўпурари болалигида МЮга мухлислик қилган
"Брентфорд" ҳужумчиси Игор Тьяго болалигида Англия Премьер-лигаси ўйинларини қандай томоша қилгани ҳақида гапириб берди. Бу ҳақда euro-football.ru хабар беради.
24 ёшли бразилиялик бу мавсум ёрқин ўйин кўрсатмоқда: у АПЛ тўпурарлар пойгасида 26 учрашувда урган 17 голи билан иккинчи ўринда бормоқда.
"Аввалига футбол менга унчалик қизиқ эмасди. Лекин акам мени ҳар ҳафта АПЛ ўйинларини, айниқса, 'Манчестер Юнайтед' баҳсларини кўришга мажбур қиларди. Вақт ўтиб, шу жамоага кўникиб қолдим ва уни севиб қолдим", — дея Тьягонинг сўзларини Transfer News Live келтиради.
Игор Тьяго 2024 йил ёзида Англияга кўчиб ўтган: "Брентфорд" уни Белгиянинг "Брюгге" клубидан 33 млн евроға сотиб олганди.