«Ан-Наср» мураббийи Роналдуга дам берилганини айтди
«Ан-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Чоршанба куни Ар-Риёд клуби ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши кутилаётганди, бироқ бу ўйинда у яна таркибда бўлмайди.
«Тақвим жуда тиғиз. Шу сабаб Роналду ва асосий таркибдаги яна бир нечта футболчига дам беришга қарор қилдик. Олдинда «Ал-Фатеҳ»га қарши муҳим ўйин кутиб турибди», — деди Жезуш. Унинг сўзларини Al Nassr Zone келтирди.
Мутахассис Роналдуга бундай танаффуслар янгилик эмаслигини ҳам қўшимча қилди: у Саудия Арабистонидан ташқарида ўтадиган учрашувларда илк бор қатнашмаётгани йўқ.
Саудия чемпионатида «Ал-Фатеҳ» — «Ан-Наср» учрашуви шанба, 14-февраль куни бўлиб ўтади.