Наумов Моуриньёга Саудия Арабистони чемпионатини тавсия қилди
«Локомотив»нинг собиқ президенти Николай Наумов «Бенфика» бош мураббийи Жозе Моуриньёнинг келажаги ҳақида фикр билдирди. У «Европа-Футбол.Ru»га берган интервьюсида португалиялик мутахассисга қайси лига кўпроқ мос келишини айтиб ўтди. Бу ҳақда euro-football.ru хабар беради.
Наумовнинг таъкидлашича, Моуриньёнинг энг кучли даври ортда қолган. Унинг фикрича, мураббий бироз танаффус қилиши керак, чунки у аввалгидек сирли, кутилмаган ва ўзига хос услуб эгаси бўлиб кўринмаяпти.
Эксперт Моуриньёга энг мақбул йўл сифатида Саудия Арабистони чемпионатини тилга олди: у ерда маошлар юқори, шов-шувларни ёқтиришади ва тажрибали, ёши катта юлдуз футболчилар билан ишлаш имконияти борлигини қайд этди.
Маълумот учун, Моуриньёнинг «Бенфика»си Чемпионлар лигаси 1/16 финалида Мадриднинг «Реал»ига қарши майдонга тушади. Дастлабки учрашув 17 февраль куни Португалияда бўлиб ўтади.