Аргентинада Ди Мария симуляция баҳслари марказида қолди
Анхел ди Мария ватани Аргентинага қайтгач, дастлаб яхши натижалар кўрсатди. Бироқ кейинги ҳафталарда унинг атрофида салбий фон кучайди: масала кўпроқ ўйинидан эмас, рақиблар ва мухлислар норозилигидан иборат. Бу ҳақда euro-football.ru хабар беради.
Аргентина чемпионатида «Росарио Сентрал» сафида тўп сураётган собиқ «Манчестер Юнайтед» ва «Реал» футболчиси тез-тез йиқилиб, жарима зарбаси ёки пеналти “сўраш”га уринаётгани ҳақида танқидлар кўпайди. Маҳаллий форумларда «нега Ди Марияни ҳийлалари учун огоҳлантиришмайди», «у юлдуз, аммо бундай ҳаракатлари жонига теккани», «бундай даражадаги футболчи пеналти талаб қилиб, ўзини ташлашига ачинарли» каби фикрлар тез-тез учрамоқда.