Погребняк «Бавария» ва «Хоффенхайм» учрашувига тахмин билдирди
Германия чемпионатининг 21-тури марказий баҳсида Мюнхеннинг «Бавария» клуби ўз майдонида «Хоффенхайм»ни қабул қилади. Ушбу ўйин бўйича собиқ «Зенит» ҳужумчиси Павел Погребняк ўз фикрини билдирди. Бу ҳақда euro-football.ru хабар беради.
Мутахассиснинг таъкидлашича, «немис машинаси» бу сафар ҳам хатога йўл қўймаслиги керак. Погребняк тикиш варианти сифатида «Бавария»нинг (-1,5) форали ғалабасини танлади.
«Бавария» — «Хоффенхайм» учрашуви бугун, 8 февраль куни Мюнхендаги стадионда бўлиб ўтади. Старт ҳуштаги 21:30 да (Тошкент вақти билан) янграйди.
Ўйин арафасида мезбонлар Бундеслигада 1-ўринда бормоқда, «Хоффенхайм» эса 3-поғонани эгаллаб турибди.