ПСЖ собиқ дарвозабони Буффонни туғилган куни билан табриклади
Парижнинг «ПСЖ» клуби ўзининг собиқ футболчиси Жанлуижи Буффонни туғилган куни билан қутлади. Чоршанба куни италиялик дарвозабон 48 ёшга тўлди. Бу ҳақда euro-football.ru хабар беради.
«48 ёшингиз билан, Жанлуижи Буффон!» — дея клуб ижтимоий тармоқларда табрик йўллади.
Буффон «ПСЖ» сафида бир мавсум — 2018/2019 йилги мавсумда ўйнаган. Бу вақт оралиғида у 25 учрашувда майдонга тушиб, 25 та гол ўтказиб юборган. Париж жамоаси билан Буффон Франция чемпионати ва Франция Суперкубогини қўлга киритган. Лига 1даги мавсумдан сўнг у «Ювентус»га қайтган.
Эслатиб ўтамиз, 2006 йилда Буффон Италия терма жамоаси билан жаҳон чемпиони бўлган. Финалда «скуадра адзурра» Францияни 1:1 ҳисобидаги дурангдан кейин пенальтилар сериясида мағлуб этган.