RB «Лейпциг» «Санкт-Паули» майдонида ғалабани бой берди
Бундеслиганинг 19-турида «Санкт-Паули» ўз майдонида «RB Лейпциг»ни қабул қилди ва баҳс 1:1 ҳисобида якунланди. Бу ҳақда euro-football.ru хабар беради.
Учрашувнинг 8-дақиқасидаёқ «буқалар» олдинга чиқиб кетиши мумкин эди: Ксавер Шлагер зарбаси устунга тегиб қайтди. Биринчи бўлимда мезбонлар ҳам хавфли вазият яратди — Рики-Жейд Джонс жарима майдонида назоратсиз қолган бўлса-да, дарвозани нишонга ола олмади, устига-устак офсайдда эди. Танаффус арафасида Ян Диоманднинг узатмасидан кейин Антонио Нусанинг зарбасини дарвозабон қайтарди.
66-дақиқада меҳмонлар бурчак тўпидан фойдалана олмади, аммо ҳужум давом этди ва Диоманд рикошет ёрдамида тўпни дарвозага киритиб, ҳисобни очди — 0:1. Қўшимча дақиқаларда эса Давид Раум жарима майдонида Мартейн Карсга нисбатан қоида бузди ва ҳакам пенальти белгилади. 11 метрлик зарбада Карс дарвозабон йўналишни топганига қарамай, аниқ тепиб, мувозанатни тиклади — 1:1.
Дурангдан кейин «RB Лейпциг» турнир жадвалида 4-ўринга кўтарилди, «Санкт-Паули» эса қуйи поғоналарда — охиридан иккинчи ўринда қолмоқда.