RB «Лейпциг» «Санкт-Паули» билан дуранг ўйнаб, ғалабани бой берди
Германия Бундеслигасининг 19-турида «Санкт-Паули» ўз майдонида «RB Лейпциг»ни қабул қилди. Бу ҳақда euro-football.ru хабар беради.
Учрашувнинг 8-дақиқасидаёқ меҳмонлар ҳисобни очиши мумкин эди: Ксавер Шлагернинг зарбаси устунга тегиб, майдон ташқарисига чиқиб кетди. Мезбонлар ҳам имкониятлар топди — Рики-Джэйд Жонс жарима майдонида назоратсиз қолган вазиятда дарвозани аниқ нишонга ола олмади, бунинг устига офсайдда ҳам эди. Биринчи бўлим охирларида Ян Диоманд пас узатган ҳужумда Антонио Нусанинг зарбасини дарвозабон қайтарди.
66-дақиқада «RB Лейпциг» бурчак зарбасидан кейин ҳужумни давом эттирди ва Диоманд рикошет ёрдамида тўпни дарвозага жойлади — 0:1. Бироқ қўшимча дақиқаларда Давид Раум жарима майдонида Мартейн Карсга нисбатан қоида бузди ва ҳакам пенальти белгилади. 11 метрлик зарбани Карс аниқ ижро этиб, дарвозабон йўналишни топган бўлса-да, ҳисобни тенглаштирди — 1:1.
Дурангдан сўнг «буқалар» турнир жадвалида тўртинчи поғонага кўтарилди, «Санкт-Паули» эса қуйи қисмда — охиридан иккинчи ўринда қолмоқда.