Роналду Жоржинани туғилган куни билан табриклади
Криштиану Роналду ижтимоий тармоқларда навбатдаги постини эълон қилди. «Ал-Наср» ҳужумчиси севгилиси Жоржина Родригесни туғилган куни билан самимий табриклади. Бу ҳақда euro-football.ru хабар беради.
Роналду Жоржина билан тушган сурат остида: «Туғилган кунинг билан, ҳаётимдаги аёл!» — деб ёзди.
Сешанба куни Жоржина Родригес 32 ёшга тўлди. Роналду ҳам тез орада туғилган кунини нишонлайди — 5-феврал куни у 41 ёшга киради. Шунга қарамай, португалиялик юлдуз аъло жисмоний ҳолатда: у фаолияти давомида 960 та гол урган ва бу кўрсаткични ошириш ниятида.
Душанба куни Саудия Арабистони чемпионатида «Ал-Наср» «Ал-Таавун» устидан 1:0 ҳисобида ғалаба қозонди.