«Бавария» Упамекано масаласида жавоб кутаётганини айтди
Мюнхеннинг «Бавария» клубида спорт директори лавозимида ишлаётган Макс Эберл ҳимоячи Дайо Упамеканонинг келажаги борасида фикр билдирди. 27 ёшли франсуз футболчисининг амалдаги шартномаси жорий мавсум якунига қадар клуб билан боғлаб турибди. Бу ҳақда euro-football.ru хабар беради.
Журналист Флориан Плеттенберг ижтимоий тармоқларда келтирган иқтибосга кўра, Эберл: «Биз Упамеканодан жавоб кутяпмиз», деди.
Аввалроқ ОАВда «Бавария» янги шартнома бўйича Упамеканога тақдим этилган таклиф шартларини яхшиламаслиги мумкинлиги ҳақида хабарлар тарқалган эди.
Упамекано ҳозирга қадар «Бавария» сафида 176 та ўйинда майдонга тушиб, 6 та гол урди ва 11 та голли узатма муаллифи бўлди.